సోనం వాంగ్‌చుక్‌పై ఆమిర్ క్లారిటీ

సామాజిక కార్యకర్త సోనం వాంగ్‌చుక్ నిరాహార దీక్ష దేశవ్యాప్తంగా చర్చనీయాంశంగా మారిన నేపథ్యంలో బాలీవుడ్ నటుడు ఆమిర్ ఖాన్ తొలిసారి స్పందించారు. ‘3 ఇడియట్స్’ సినిమాలోని ఫున్సుఖ్ వాంగ్డు పాత్రకు సోనం వాంగ్‌చుక్ స్ఫూర్తి అన్న ప్రచారాన్ని ఆయన ఖండించారు. సినిమా రూపొందిస్తున్న సమయంలో తమకు సోనం వాంగ్‌చుక్ గురించి తెలియదని, ఆ ప్రచారం కేవలం అపోహ మాత్రమేనని స్పష్టం చేశారు.

అలాగే నటుడు ఓమి వైద్య (చతుర్) ఇటీవల చేసిన వ్యాఖ్యలపైనా ఆమిర్ సరదాగా స్పందిస్తూ, “ఈ విషయంలో కూడా చతుర్ తప్పే” అని వ్యాఖ్యానించారు. అయితే సోనం వాంగ్‌చుక్ చేస్తున్న సేవలపై తనకు అపారమైన గౌరవం ఉందని, ఆయన ఆరోగ్యం బాగుండాలని కోరుకుంటున్నట్లు తెలిపారు. ప్రజల కోసం ఆయన చేస్తున్న కృషిని ఆమిర్ ప్రశంసించారు.