అడ్వాన్స్‌ బుకింగ్స్‌లో అదరగొడుతున్న యాక్షన్‌ మూవీ

అడ్వాన్స్‌ బుకింగ్స్‌ నాలుగో రోజున ఈ చిత్రం సంబంధిత ప్లాట్‌ఫామ్‌లో 2.47 లక్షలకు పైగా టికెట్ల విక్రయాలను నమోదు చేసింది. అంతకుముందు రోజు నమోదైన 3.05 లక్షల టికెట్లతో పోలిస్తే ఈ సంఖ్య కొంత తగ్గినప్పటికీ, మొత్తం అడ్వాన్స్‌ బుకింగ్స్‌ 6 లక్షల మార్కును దాటాయి. ప్రపంచవ్యాప్తంగా థియేటర్లలో విడుదల కావడానికి ఇంకా రెండు రోజులే ఉండటంతో అభిమానుల్లో అంచనాలు పెరుగుతున్నాయి.

సన్‌ పిక్చర్స్‌ నిర్మిస్తున్న ఈ యాక్షన్‌ డ్రామాలో హృతిక్‌ రోషన్‌, మోహన్‌లాల్‌, శివరాజ్‌కుమార్‌ అతిథి పాత్రల్లో కనిపించనున్నట్లు సమాచారం. మొదటి చిత్రంలో నటించిన రమ్యకృష్ణన్‌, మిర్నా, యోగి బాబు కూడా ఇందులో తిరిగి కనిపించనున్నారు. అనిరుధ్‌ రవిచందర్‌ సంగీతం అందించారు. అడ్వాన్స్‌ బుకింగ్స్‌లో కనిపిస్తున్న జోరు విడుదల తర్వాత బాక్సాఫీస్‌ వసూళ్లలోనూ కొనసాగుతుందా అనేది ఆసక్తికరంగా మారింది.