యతిరాజు పాత్రతో శివాజీకి మరో మైలురాయి

అఖిల్ అక్కినేని, భాగ్యశ్రీ బోర్సే జంటగా నటించిన ‘లెనిన్’ సినిమా నేడు ప్రేక్షకుల ముందుకు వచ్చింది. సితార ఎంటర్టైన్మెంట్స్, అన్నపూర్ణ స్టూడియోస్ సంయుక్తంగా నిర్మించిన ఈ చిత్రానికి మురళి కిషోర్ దర్శకత్వం వహించగా, తమన్ సంగీతం అందించారు. శివాజీ, సునీల్, రాంకీ, ఈశ్వరి రావు కీలక పాత్రలు పోషించారు. అయితే ఈ చిత్రంలో ప్రత్యేకంగా శివాజీ నటన ప్రేక్షకులను ఆకట్టుకుంటోంది.

ఇటీవల ‘కోర్ట్’, ‘దండోరా’ చిత్రాలతో మంచి గుర్తింపు తెచ్చుకున్న శివాజీ, ‘లెనిన్’లో యతిరాజు పాత్రలో అద్భుతంగా నటించారు. కాస్త గ్రే షేడ్స్‌తో కనిపించే ఈ పాత్రలో ఆయన చూపిన నటన ప్రేక్షకులకు గూస్‌బంప్స్ తెప్పించింది. ముఖ్యంగా అఖిల్‌తో ఉన్న సన్నివేశాలు సినిమాకు హైలైట్‌గా నిలిచాయి. ప్రతి సన్నివేశంలో ఆయన చూపిన వైవిధ్యం ప్రేక్షకులను ఆశ్చర్యపరుస్తూ, ఈ పాత్ర ఆయన కెరీర్‌లో మరో మైలురాయిగా నిలిచిందని అభిమానులు చెబుతున్నారు.