“ఆయా షేర్” వెనుక అసలు ట్విస్ట్ ఇదేనా? కాసర్ల శ్యామ్ రివీల్!

నాని ప్రధాన పాత్రలో నటిస్తున్న ‘ది ప్యారడైజ్’ సినిమా ప్రస్తుతం షూటింగ్ దశలో ఉంది. శ్రీకాంత్ ఓదెల దర్శకత్వం వహిస్తున్న ఈ చిత్రంలో మమతా బైజు హీరోయిన్‌గా నటిస్తుండగా, బాబు మోహన్, సంపూర్ణేష్ బాబు కీలక పాత్రల్లో కనిపించనున్నారు. సుధాకర్ చేరుకూరి నిర్మిస్తున్న ఈ చిత్రానికి అనిరుద్ రవిచందర్ సంగీతం అందిస్తున్నారు. ఇటీవల విడుదలైన ‘ఆయా షేర్’ పాట ప్రేక్షకుల నుంచి మంచి స్పందనను అందుకుంది.

ఈ పాటకు రచయితగా ఉన్న కాసర్ల శ్యామ్ తాజాగా పాట వెనుక ఉన్న ఆసక్తికర విషయాలను వెల్లడించారు. మొదటి వెర్షన్‌నే ఓకే అయినప్పటికీ, తర్వాత కొన్ని మార్పులు చేయాల్సి వచ్చిందని తెలిపారు. అనిరుద్ ఈ పాట కోసం ఎంతో శ్రమించారని, దర్శకుడు శ్రీకాంత్ ఓదెల ఫోన్ చేసి అనిరుద్ సూచన మేరకు కొన్ని పదాలు జోడించాలని చెప్పారని ఆయన అన్నారు. ఆ మేరకు లిరిక్స్‌లో మార్పులు చేసినట్లు వెల్లడించారు.