అమితాబ్ క్రమశిక్షణకు నిర్మాత ప్రశంసలు

సీనియర్ నిర్మాత కే.సీ. బొకాడియా బాలీవుడ్ దిగ్గజ నటుడు అమితాబ్ బచ్చన్ వృత్తి నిబద్ధతను ప్రశంసించారు. తమ అనుబంధ కాలంలో అమితాబ్ బచ్చన్ ఎప్పుడూ తన స్పాట్ బాయ్, మేకప్ సిబ్బంది, డ్రైవర్ లేదా వ్యక్తిగత సిబ్బంది ఖర్చులను నిర్మాతలపై మోపలేదని ఆయన తెలిపారు. నిర్మాతల పరిస్థితిని అర్థం చేసుకుని క్రమశిక్షణతో వ్యవహరించేవారని చెప్పారు.

ప్రస్తుతం కొందరు నటులు తమ వ్యక్తిగత సిబ్బంది జీతాలను పెంచి నిర్మాతలపై అదనపు భారం మోపుతున్నారని బొకాడియా విమర్శించారు. వెయ్యి రూపాయలు తీసుకునే సహాయకుడికి పది వేల రూపాయలు డిమాండ్ చేసే పరిస్థితులు ఉన్నాయని పేర్కొన్నారు. అమితాబ్ బచ్చన్ వినయం, వృత్తి నిబద్ధత నేటి తరం నటులకు ఆదర్శమని ఆయన అభిప్రాయపడ్డారు.