‘కాకా’ సెట్స్‌ నుంచి చిరంజీవి వీడియో లీక్‌

మెగాస్టార్ చిరంజీవి కథానాయకుడిగా, బాబీ కొల్లి దర్శకత్వంలో తెరకెక్కుతున్న చిత్రం ‘కాకా’. ఈ సినిమా సెట్స్‌ నుంచి ఓ వీడియో లీక్‌ కావడంతో సామాజిక మాధ్యమాల్లో చర్చ మొదలైంది. ఎవరో రహస్యంగా చిత్రీకరించినట్లు చెబుతున్న ఈ వీడియోలో చిరంజీవి గతంలో చూడని యంగ్‌ లుక్‌లో కనిపిస్తున్నారు. చేతిలో సిగార్‌తో స్టైలిష్‌గా కనిపిస్తూ నటుడు మురళీధర్‌ గౌడ్‌తో మాట్లాడుతున్న దృశ్యాలు అభిమానులను ఆకట్టుకుంటున్నాయి.

ఇప్పటివరకు చిరంజీవి యంగ్‌ లుక్‌ను చిత్రబృందం రహస్యంగానే ఉంచింది. అయితే, ఈ వీడియో బయటకు రావడంతో అభిమానుల్లో ఆసక్తి పెరిగింది. త్వరలోనే చిత్రబృందం అధికారికంగా లుక్‌ పోస్టర్‌ను విడుదల చేస్తుందా అనేది చూడాలి. ‘టాక్సిక్‌’ చిత్రాన్ని నిర్మిస్తున్న కేవీఎన్‌ ప్రొడక్షన్స్‌ తెలుగులో నిర్మిస్తున్న తొలి చిత్రం ఇదే. ఈ సినిమా 2027 జనవరి 13న విడుదల కానుంది. అనస్వర రాజన్‌, నివేదా పేతురాజ్‌, కబీర్‌ దుహాన్‌ సింగ్‌, అనురాగ్‌ కశ్యప్‌, గెటప్‌ శ్రీను కీలక పాత్రల్లో నటిస్తున్నారు. తమన్‌ సంగీతం అందిస్తుండగా, తొలి పాటపై కూడా అభిమానులు అప్‌డేట్‌ కోసం ఎదురుచూస్తున్నారు.