సినిమా బాధల వేదిక కాదు - మధుర శ్రీధర్ రెడ్డి

దర్శక నిర్మాత మధుర శ్రీధర్ రెడ్డి ఇటీవల సినిమా ఈవెంట్స్‌లో కొందరు ఫిలింమేకర్స్ చేస్తున్న వ్యాఖ్యలపై స్పందించారు. సినిమా పరిశ్రమలో ఇబ్బందులు, సమస్యలు ఉన్నాయని తరచుగా చెప్పడం సరికాదని ఆయన అన్నారు. సినిమా అనేది ఒక అద్భుతమైన మీడియం అని, దాన్ని బాధల వేదికగా మార్చకూడదని ఆయన సోషల్ మీడియా వేదికగా పేర్కొన్నారు. ప్రతి రంగంలోనూ కష్టాలు, ఒత్తిడులు, నష్టాలు సహజమేనని ఆయన తెలిపారు.

సినిమా ఒక వ్యాపారం మాత్రమేనని, అది దానధర్మం కాదని ఆయన స్పష్టం చేశారు. నష్టాలు భరించలేని పరిస్థితి ఉంటే సినిమాలు తీయకూడదని, అవసరమైతే రంగం నుంచి బయటకు వెళ్లాలని సూచించారు. వ్యక్తిగత లేదా సంస్థ సమస్యలను సినిమా ప్రాజెక్టులపై రుద్దకూడదని ఆయన అన్నారు. ప్రతి మంచి సినిమాకు ప్రేక్షకుల ఆదరణ తప్పకుండా లభిస్తుందని ఆయన పేర్కొన్నారు.