డ్యాన్సర్స్ అసోసియేషన్‌లో ఉప ఎన్నికల ప్రకటన

తెలుగు ఫిల్మ్ అండ్ టీవీ డ్యాన్సర్స్ అండ్ డ్యాన్స్ డైరెక్టర్స్ అసోసియేషన్ అధ్యక్షురాలు సుమలత కార్యవర్గ ఉప ఎన్నికల ప్రక్రియ అధికారికంగా ప్రారంభమైనట్లు ప్రకటించారు. అసోసియేషన్ రాజ్యాంగం, నిబంధనలు, అమలులో ఉన్న చట్టాలకు అనుగుణంగానే ఈ నిర్ణయం తీసుకున్నట్లు తెలిపారు. జూలై 20న నామినేషన్ల దాఖలు, పరిశీలన, 22న ఉపసంహరణ, 26న పోలింగ్‌తో పాటు ఫలితాల ప్రకటన జరగనున్నట్లు వెల్లడించారు.

అయితే రాజీనామా చేసిన పలువురు సభ్యులు ఈ నిర్ణయాన్ని వ్యతిరేకిస్తున్నారు. మొత్తం కార్యవర్గాన్ని రద్దు చేసి పూర్తి స్థాయి ఎన్నికలు నిర్వహించాలని వారు డిమాండ్ చేస్తున్నారు. తమతో సంప్రదించకుండా ఏకపక్షంగా ఉప ఎన్నికలకు వెళ్లడం సరైంది కాదని వారు అభ్యంతరం వ్యక్తం చేశారు. రాజీనామా చేసిన సభ్యులను కలుపుకుని ముందుకు వెళ్లాలని ఫెడరేషన్, TFDC ఛైర్మన్ దిల్ రాజు సూచించినప్పటికీ ఆ దిశగా చర్యలు తీసుకోలేదని ఆరోపించారు.