డెలులు టీజర్‌ రిలీజ్‌

యువతలో ట్రెండ్ అవుతున్న ‘డెలులు’ అనే క్యాచీ పదాన్ని టైటిల్‌గా తీసుకుని తెరకెక్కుతున్న కొత్త యూత్‌ఫుల్ ఎంటర్‌టైనర్‌ ‘డెలులు’. ప్రీతమ్ కస్తూరి దర్శకత్వంలో రూపొందుతున్న ఈ చిత్రాన్ని క్రియేటివ్ లాంచ్‌ప్యాడ్ బ్యానర్‌పై సంకీర్త్ కొండ ప్రతిష్టాత్మకంగా నిర్మిస్తున్నారు. తాజాగా మేకర్స్ సినిమా టీజర్‌ను విడుదల చేశారు. ‘బ్రేకప్ దేవా’ అనే డిఫరెంట్ డైలాగ్‌తో మొదలయ్యే టీజర్‌ ఆద్యంతం హాస్యంతో, యూత్‌ను ఆకట్టుకునే పంచ్ డైలాగులతో సాగింది.

ఒక ఇంట్లో జరిగే సరదా సంఘటనలు, నేటితరం జంటల మధ్య ఉండే కన్‌ఫ్యూజన్, కామెడీ, ఫ్యామిలీ ఎమోషన్స్‌ను కలబోసిన కథగా ‘డెలులు’ తెరకెక్కినట్లు టీజర్‌ చూస్తే తెలుస్తోంది. విజయ్ రాజ్‌కుమార్ కథ అందించడంతో పాటు కీలక పాత్రలో నటించగా, వేణి రావు, అఖిల్ జాక్సన్, సాయి ప్రసన్న, శ్రీ రామ మండవ, అభినయ్ తుల తదితరులు ముఖ్య పాత్రల్లో కనిపించనున్నారు. జై రాజ్ నాయుడు విజువల్స్, ఆది చెబ్రోలు బ్యాక్‌గ్రౌండ్ స్కోర్, హరికృష్ణ కురపాటి ఎడిటింగ్ సినిమాకు బలంగా నిలవనున్నాయి. ఇప్పటికే పోస్టర్‌తో ఆకట్టుకున్న ఈ చిత్రం టీజర్‌తో అంచనాలను మరింత పెంచింది.