రవితేజ సరసన మళ్ళీ డింపుల్?

మాస్ మహారాజా రవితేజ వరుస చిత్రాలతో బిజీగా ఉన్న నేపథ్యంలో, దర్శకుడు వివేక్ ఆత్రేయతో చేయనున్న కొత్త సినిమాపై ఆసక్తి పెరుగుతోంది. ఈ ప్రాజెక్ట్‌కు సంబంధించిన తాజా సమాచారం ప్రకారం కథానాయిక ఎంపిక దాదాపు పూర్తయినట్లు సినీ వర్గాల్లో ప్రచారం సాగుతోంది. రవితేజ సరసన గ్లామర్ హీరోయిన్ డింపుల్ హయాతి నటించే అవకాశాలు ఎక్కువగా ఉన్నాయని సమాచారం. చిత్రబృందం నుంచి అధికారిక ప్రకటన రాకపోయినా, ఈ వార్త టాలీవుడ్‌లో చర్చనీయాంశంగా మారింది. విభిన్న కథనాలతో గుర్తింపు పొందిన వివేక్ ఆత్రేయ ఈసారి కూడా ప్రత్యేకమైన కథతో ప్రేక్షకుల ముందుకు రానున్నారనే అంచనాలు ఉన్నాయి.

ఈ వార్త నిజమైతే రవితేజ, డింపుల్ హయాతి జోడీగా ఇది వరుసగా 3వ చిత్రం కానుంది. గతంలో ‘కిలాడీ’, ‘భర్త మహాశయులకు విజ్ఞప్తి’ చిత్రాల్లో కలిసి నటించిన ఈ జంట మరోసారి ప్రేక్షకులను అలరించేందుకు సిద్ధమవుతున్నట్లు తెలుస్తోంది. ఒకే హీరోతో వరుసగా మూడోసారి నటించే అవకాశం అరుదుగా దక్కుతుండటంతో ఈ కాంబినేషన్‌పై ఆసక్తి పెరిగింది. రవితేజ ఎనర్జీకి తగ్గట్టుగా వివేక్ ఆత్రేయ ఎలాంటి కథను సిద్ధం చేశారన్నది కూడా సినీ అభిమానుల్లో చర్చకు దారితీస్తోంది. చిత్రానికి సంబంధించిన పూర్తి వివరాలు త్వరలో వెల్లడయ్యే అవకాశముందని సమాచారం.