దక్షిణ సినిమాల్లో దుల్కర్ వర్సెస్ నాని పోటీ

దుల్కర్ సల్మాన్ తన కొత్త చిత్రం ‘ఐ యామ్ గేమ్’ ఆగస్టు 20న విడుదల కానుందని సోషల్ మీడియాలో అధికారికంగా ప్రకటించారు. నహాస్ హిదాయత్ దర్శకత్వంలో తెరకెక్కుతున్న ఈ గ్యాంగ్‌స్టర్ యాక్షన్ డ్రామాపై మంచి అంచనాలు ఉన్నాయి.

అదే సమయంలో నాని నటిస్తున్న ‘ది ప్యారడైజ్’ చిత్రం ఆగస్టు 21న విడుదల కానుంది. రెండు సినిమాలు వరుసగా ఒక్క రోజు తేడాతో విడుదల కావడంతో బాక్సాఫీస్ క్లాష్ ఏర్పడే అవకాశం ఉంది. ఈ పోటీ తమిళ, మలయాళ మార్కెట్లపై ప్రభావం చూపే అవకాశం ఉండగా, తెలుగు, కన్నడ మార్కెట్లలో పెద్దగా ప్రభావం ఉండకపోవచ్చని ట్రేడ్ వర్గాలు భావిస్తున్నాయి. అయితే హిందీ మార్కెట్‌లో నాని సినిమాకు ఎక్కువ అవకాశం ఉందని అంచనా.

ఇంకో విశేషం ఏమిటంటే, కయాడు లోహర్ రెండు సినిమాల్లోనూ హీరోయిన్‌గా నటిస్తోంది. రెండు పెద్ద సినిమాలు ఒకే సమయంలో విడుదల కావడంతో ప్రమోషన్స్, విజిబిలిటీ ఏ సినిమాకు ఎక్కువగా ఉంటుందో దానిపైనే విజయావకాశాలు ఆధారపడి ఉంటాయని పరిశ్రమ వర్గాలు చెబుతున్నాయి.