ఈ కాంబో సెట్ అయితే బాక్సాఫీస్ షేక్ అంటున్న ఫ్యాన్స్..

మలయాళ దర్శకుడు బాసిల్ జోసెఫ్, ఐకాన్ స్టార్ అల్లు అర్జున్ కాంబినేషన్‌లో ఓ భారీ యాక్షన్ డ్రామా తెరకెక్కబోతుందనే వార్తలు గత కొద్ది రోజులుగా సోషల్ మీడియాలో వైరల్ అవుతున్నాయి. తాజాగా ఓ ఇంటర్వ్యూలో పాల్గొన్న బాసిల్ జోసెఫ్ ఈ ప్రాజెక్ట్‌పై ఆసక్తికర వ్యాఖ్యలు చేశారు. అల్లు అర్జున్ లాంటి స్టార్ హీరోతో సినిమా చేయడం చాలా పెద్ద విషయమని, అలాంటి ప్రాజెక్ట్‌కు సరైన ప్రణాళిక, సమయం అవసరమని చెప్పారు.

స్క్రిప్ట్ వర్క్ నుంచి ప్రీ-ప్రొడక్షన్ వరకు ప్రతి అంశాన్ని జాగ్రత్తగా ప్లాన్ చేయాల్సి ఉంటుందని బాసిల్ తెలిపారు. సరైన సమయం వచ్చినప్పుడు ఈ సినిమా ఖచ్చితంగా ప్రారంభమవుతుందని స్పష్టం చేసిన ఆయన.. ప్రస్తుతం కథకు సంబంధించిన వివరాలు వెల్లడించలేనని చెప్పారు. మరోవైపు అల్లు అర్జున్ ‘రాకా’, ‘A-23’ చిత్రాలతో బిజీగా ఉండగా.. బాసిల్ జోసెఫ్ కూడా తన తదుపరి ప్రాజెక్ట్స్‌పై దృష్టి పెట్టారు. ఈ కాంబో నిజమైతే ఇండియన్ బాక్సాఫీస్ వద్ద సంచలనం సృష్టిస్తుందని అభిమానులు భావిస్తున్నారు.