అనిరుద్‌ కోసం తమన్‌కి షాక్ ఇచ్చిన గురూజీ?

ఎన్టీఆర్, త్రివిక్రమ్ శ్రీనివాస్ కలయికలో రూపొందనున్న ‘గాడ్ ఆఫ్ వార్’ ప్రకటన వచ్చినప్పటి నుంచే ఈ చిత్రంపై భారీ అంచనాలు నెలకొన్నాయి. టైటిల్ విడుదలైన క్షణం నుంచే ఈ ప్రాజెక్ట్‌కు సంబంధించిన ప్రతి చిన్న సమాచారం సోషల్ మీడియాలో వైరల్ అవుతోంది. తాజాగా సంగీత దర్శకుడి విషయంలో కొత్త గందరగోళం నెలకొంది. అధికారిక ప్రకటనకు భిన్నంగా ఎస్.ఎస్. తమన్ ఈ చిత్రానికి సంగీతం అందిస్తున్నారనే ప్రచారం వేగంగా విస్తరించింది. దీంతో అభిమానుల్లో సందేహాలు మొదలయ్యాయి. అసలు సంగీత బాధ్యతలు ఎవరి చేతిలో ఉన్నాయనే అంశంపై పెద్ద ఎత్తున చర్చ సాగుతోంది. అయితే ఈ ప్రచారంపై చిత్రబృందం ఇప్పటివరకు ఎలాంటి స్పందన ఇవ్వలేదు. అయినప్పటికీ ఇప్పటికే ప్రకటించిన అధికారిక వివరాలే ప్రస్తుతం చెల్లుబాటు అవుతున్నాయని సినీ వర్గాలు చెబుతున్నాయి.

చిత్ర నిర్మాతలు ప్రారంభంలోనే అనిరుద్ రవిచందర్ ఈ సినిమాకు సంగీత దర్శకుడిగా వ్యవహరిస్తున్నట్లు ప్రకటించారు. అయినా కూడా తమన్ పేరు ప్రచారంలోకి రావడం అభిమానులను అయోమయానికి గురిచేసింది. త్రివిక్రమ్‌తో ఉన్న సన్నిహిత సంబంధాల కారణంగా తమన్ ఈ ప్రాజెక్ట్‌కు సంబంధించిన పోస్టులను మాత్రమే సామాజిక మాధ్యమాల్లో పంచుకున్నారని, అంతే తప్ప సంగీత బాధ్యతలు తనవని ఎక్కడా చెప్పలేదని సమాచారం. దీంతో ప్రస్తుతం జరుగుతున్న ప్రచారం ఊహాగానాలకు మాత్రమే పరిమితమైందని తెలుస్తోంది. మొత్తానికి త్రివిక్రమ్ అనిరుద్ ని ఎంచుకొని తమన్ కి షాక్ ఇచ్చాడని సోషల్ మీడియాలో కామెంట్స్ వినిపిస్తున్నాయి.