సుదీప్ లుక్ వెనుక అసలు సీక్రెట్ ఇదేనా?

సూపర్‌స్టార్ కిచ్చా సుదీప్ ప్రధాన పాత్రలో తెరకెక్కుతున్న భారీ పీరియడ్ యాక్షన్ చిత్రం ‘బిల్లా రంగ బాషా: ఫస్ట్ బ్లడ్’ ప్రచార కార్యక్రమాలు ప్రారంభమయ్యాయి. సుదీప్ పుట్టినరోజు సందర్భంగా చిత్రబృందం ఫస్ట్ లుక్ పోస్టర్‌ను విడుదల చేసింది. అనూప్ భండారి దర్శకత్వం వహిస్తున్న ఈ పాన్-ఇండియా చిత్రాన్ని ప్రైమ్‌షో ఎంటర్‌టైన్‌మెంట్ బ్యానర్‌పై కె. నిరంజన్ రెడ్డి, చైతన్య రెడ్డి నిర్మిస్తున్నారు. మంచుతో కప్పబడిన ప్రాంతంలో మోటార్‌సైకిల్‌పై దూసుకెళ్తున్న సుదీప్ ఇంటెన్స్ లుక్ ప్రేక్షకులను ఆకట్టుకుంటోంది.

పోస్టర్‌లో భారీ మెకానికల్ వార్ మెషిన్, మంటలు, పేలుళ్లు, స్పార్క్స్, శిథిలాలతో కూడిన యాక్షన్ ప్రపంచాన్ని చూపించారు. ఆకాశంలో విమానాలు కనిపించడంతో చిత్రంలోని విజువల్ స్కేల్, గ్రాండియర్‌పై మరింత ఆసక్తి పెరిగింది. 2027 తొలి త్రైమాసికంలో టీజర్‌ను విడుదల చేయాలని, మూడో త్రైమాసికంలో ట్రైలర్, పాటలను తీసుకురావాలని చిత్రబృందం యోచిస్తోంది. 2027 చివరి త్రైమాసికంలో ఈ సినిమా థియేటర్లలో విడుదల కానుంది. తెలుగు సహా అన్ని దక్షిణ భారత భాషలు, హిందీలో చిత్రం విడుదల కానుంది.