ఒక్క ఏడాదిలో ఇద్దరు ఆప్తులను కోల్పోయా..- రాధిక

దిగ్గజ దర్శకుడు భారతీరాజా మరణం పట్ల సీనియర్ నటి రాధిక తీవ్ర భావోద్వేగానికి గురయ్యారు. తన గురువుతో ఉన్న అనుబంధాన్ని గుర్తుచేసుకుంటూ సోషల్ మీడియాలో పలు ఫొటోలు, సందేశాలను పంచుకున్నారు. తన జీవితాన్ని మలిచిన ఇద్దరిలో ఒకరు తన తల్లి అయితే, మరొకరు భారతీరాజా అని పేర్కొన్నారు.

ఒక్క ఏడాదిలోనే తల్లి, గురువును కోల్పోవడం తట్టుకోలేకపోతున్నానని రాధిక ఆవేదన వ్యక్తం చేశారు. తన బాధను అర్థం చేసుకుని అండగా నిలిచిన ప్రతి ఒక్కరికీ కృతజ్ఞతలు తెలిపారు. భారతీరాజా తనకు నేర్పిన జీవిత పాఠాలు, ఆయన జ్ఞాపకాలు ఎప్పటికీ తనతోనే ఉంటాయని పేర్కొన్నారు. రాధికను హీరోయిన్‌గా సినీ పరిశ్రమకు పరిచయం చేసిన వ్యక్తి భారతీరాజానే కావడం విశేషం.