‘లెనిన్’పై మెగాస్టార్ చిరంజీవి ప్రశంసలు

మెగాస్టార్ చిరంజీవి తాజాగా విడుదలై విజయవంతంగా ప్రదర్శితమవుతున్న 'లెనిన్' సినిమాపై ప్రశంసలు కురిపించారు. అక్కినేని అఖిల్, భాగ్యశ్రీ బోర్సే ప్రధాన పాత్రల్లో నటించిన ఈ చిత్రానికి అద్భుతమైన స్పందన వస్తోందని, ముఖ్యంగా అఖిల్ నటనకు అన్ని వర్గాల నుంచి ప్రశంసలు లభించడం ఎంతో ఆనందంగా ఉందని సోషల్ మీడియా వేదికగా పేర్కొన్నారు.

అఖిల్ తనకు మరో కుమారుడిలాంటి వాడని, ప్రతి సినిమాతో నటుడిగా మరింత ఎదుగుతున్నాడని చిరంజీవి అన్నారు. అలాగే నాగార్జునకు, చిత్ర బృందానికి అభినందనలు తెలియజేస్తూ, త్వరలోనే 'లెనిన్' సినిమా చూడాలని ఆసక్తిగా ఎదురుచూస్తున్నానని, ఈ చిత్రం మరింత విజయాన్ని సాధించాలని ఆకాంక్షించారు.