‘కల్కి 2’పై నాగ్ అశ్విన్ కీలక అప్‌డేట్

దుల్కర్ సల్మాన్ హీరోగా నహాస్ హిదాయత్ దర్శకత్వంలో తెరకెక్కిన పాన్ ఇండియా యాక్షన్ ఎంటర్‌టైనర్ ‘ఐ యామ్ ది గేమ్’ సెప్టెంబర్ 3న ప్రేక్షకుల ముందుకు రానుంది. ఈ సినిమా ప్రీ-రిలీజ్ ఈవెంట్ హైదరాబాద్‌లోని పార్క్ హయత్‌లో నిర్వహించగా, ముఖ్య అతిథిగా హాజరైన దర్శకుడు నాగ్ అశ్విన్ ‘కల్కి 2’పై కీలక అప్‌డేట్ ఇచ్చారు. ఇప్పటివరకు పది రోజుల షూటింగ్ పూర్తయిందని, ఇంకా చాలా భాగం చిత్రీకరించాల్సి ఉందని తెలిపారు.

ప్రభాస్‌కు ప్రస్తుతం సమయం కుదరకపోవడంతో ‘కల్కి 2’ షూటింగ్ ఆలస్యం అవుతుందని నాగ్ అశ్విన్ వెల్లడించారు. ప్రభాస్‌కు సమయం దొరికిన తర్వాత పెద్ద షెడ్యూల్‌ను ప్లాన్ చేస్తామని చెప్పారు. ప్రభాస్, నాగ్ అశ్విన్ కాంబినేషన్‌లో వచ్చిన ‘కల్కి 2898 ఏడీ’ 2024 జూన్ 27న విడుదలై బాక్సాఫీస్ వద్ద భారీ విజయాన్ని అందుకుంది. ఈ నేపథ్యంలో ‘కల్కి 2’ షూటింగ్‌కు సంబంధించిన తాజా అప్‌డేట్ అభిమానుల్లో ఆసక్తిని పెంచుతోంది.