పృథ్వీరాజ్ కీలక పాత్రలో నాని కొత్త యాక్షన్ డ్రామా

న్యాచురల్ స్టార్ నాని, దర్శకుడు సుజీత్ కాంబినేషన్‌లో రూపొందుతున్న స్టైలిష్ యాక్షన్ చిత్రం ‘బ్లడీ రోమియో’ ప్రీ-ప్రొడక్షన్ పనులు చివరి దశకు చేరుకున్నాయి. తాజా సమాచారం ప్రకారం ఈ సినిమాలో ఇంటర్వెల్ సీక్వెన్స్ కోసం ఒక భారీ యాక్షన్ ఫైట్‌ను ప్లాన్ చేసినట్లు తెలుస్తోంది. ఎగురుతున్న ఫ్లైట్‌లో జరిగే ఈ ఫైట్ గ్రాండ్ విజువల్స్‌తో పాటు ప్రధాన ట్విస్ట్‌కు లీడ్‌గా ఉండనుందని టాక్.

ఈ సినిమాలో ఎక్కువ భాగం లండన్‌లో చిత్రీకరించనుండగా, సుజీత్ టీమ్ ఇప్పటికే లొకేషన్లను ఫైనల్ చేసింది. నాని ప్రస్తుతం నటిస్తున్న ‘ది ప్యారడైజ్’ తర్వాత ఈ ప్రాజెక్ట్ సెట్స్‌పైకి వెళ్లనుంది. దసరా తర్వాత రెగ్యులర్ షూటింగ్ ప్రారంభం కానుండగా, 2027 సమ్మర్‌లో విడుదల చేయాలని మేకర్స్ ప్లాన్ చేస్తున్నారు. ఈ చిత్రంలో పృథ్వీరాజ్ సుకుమారన్ కీలక పాత్రలో కనిపించనున్నారు.