యాక్షన్ సీన్స్ కోసం ప్రత్యేక ట్రైనింగ్‌తో అందరినీ ఆశ్చర్యపరిచిన నిఖిల్!

వైవిధ్యమైన కథాంశాలతో ప్రేక్షకులను ఆకట్టుకుంటున్న నటుడు నిఖిల్, ‘కార్తికేయ 2’ తర్వాత దేశవ్యాప్తంగా మంచి గుర్తింపు పొందాడు. ప్రస్తుతం ఆయన నటిస్తున్న భారీ చిత్రం ‘స్వయంభు’ షూటింగ్ దశలో ఉంది. ఈ చిత్రానికి భారత్ కృష్ణమాచారి దర్శకత్వం వహిస్తుండగా, సంయుక్త మీనన్, నభా నటేష్ హీరోయిన్లుగా నటిస్తున్నారు.

నిఖిల్ పుట్టినరోజు సందర్భంగా చిత్ర బృందం విడుదల చేసిన స్పెషల్ వీడియో ఇప్పుడు వైరల్‌గా మారింది. ఇందులో ఆయన 45 రోజుల పాటు విలువిద్య, కత్తి యుద్ధం, ఫైట్స్ కోసం తీసుకున్న కఠిన శిక్షణను చూపించారు. గాయాలపాలైనా వెనక్కి తగ్గకుండా కష్టపడిన తీరు అభిమానులను ఆకట్టుకుంటోంది. రవి బస్రూర్ సంగీతం అందిస్తున్న ఈ చిత్రాన్ని పిక్సెల్ స్టూడియోస్ నిర్మిస్తోంది.