విదేశాల్లో మొదలైన రామాయణం బుకింగ్స్

నమిత్ మల్హోత్రా నిర్మిస్తున్న రామాయణం సినిమాకు విదేశాల్లో ఇప్పటికే అడ్వాన్స్ బుకింగ్స్ ప్రారంభమయ్యాయి. భారత్‌లో టికెట్ బుకింగ్స్ రేపటి నుంచి అందుబాటులోకి రానున్నట్లు చిత్ర బృందం తాజాగా ప్రకటించింది. సినిమా విడుదలకు ముందుగానే టికెట్ల విక్రయాలపై స్పష్టత ఇవ్వడంతో నెటిజన్లు ఆశ్చర్యం వ్యక్తం చేస్తున్నారు. సాధారణంగా పెద్ద సినిమాలకు విడుదలకు వారం రోజుల ముందు అడ్వాన్స్ బుకింగ్స్ ప్రారంభమవుతుండగా, టాలీవుడ్‌లో మాత్రం విడుదల తేదీ దగ్గరపడిన తర్వాతే టికెట్ల విక్రయాలు మొదలవుతున్నాయి.

అడ్వాన్స్ బుకింగ్స్‌ను ముందుగానే ప్రారంభించాలని తెలుగు ప్రేక్షకులు చాలాకాలంగా కోరుతున్నారు. టికెట్ల విక్రయాలు ఆలస్యంగా మొదలైతే సినిమా బాక్సాఫీస్ వసూళ్లపై ప్రభావం పడే అవకాశం ఉందని వారు అభిప్రాయపడుతున్నారు. గతంలో ధురంధర్: ది రివెంజ్ ట్రైలర్‌తో పాటే టికెట్ బుకింగ్స్ ప్రారంభించి ప్రేక్షకులను ఆశ్చర్యపరిచింది. ఇప్పుడు రామాయణం కూడా ముందుగానే బుకింగ్స్ ప్రారంభిస్తుండటంతో టాలీవుడ్‌లోనూ ఈ విధానానికి డిమాండ్ పెరిగే అవకాశం ఉంది.