‘గరివిడి లక్ష్మి’ చిత్రబృందానికి పవన్ కల్యాణ్ క్రియేటివ్ వర్క్స్ అభినందనలు

‘గరివిడి లక్ష్మి’ చిత్రబృందానికి పవన్ కల్యాణ్ క్రియేటివ్ వర్క్స్ హృదయపూర్వక అభినందనలు తెలిపింది. ఈ సినిమా ఘన విజయం సాధించాలని ఆకాంక్షిస్తూ సోషల్ మీడియాలో పోస్ట్ చేసింది. ఉత్తరాంధ్రకు చెందిన ప్రముఖ బుర్రకథ కళాకారిణి గరివిడి లక్ష్మి జీవితం ఆధారంగా ఈ చిత్రం రూపొందింది. ఈ సినిమా ద్వారా ఉత్తరాంధ్ర ప్రాంత సంస్కృతి, సంప్రదాయాలు, కళా వారసత్వంలోని గొప్పదనం మరింత మందికి పరిచయమవుతుందని సంస్థ ఆశాభావం వ్యక్తం చేసింది.

గరివిడి లక్ష్మి పాత్రలో నటించిన ఆనందిని సంస్థ ప్రత్యేకంగా అభినందించింది. ఈ స్ఫూర్తిదాయకమైన జీవితకథను వెండితెరపైకి తీసుకురావడానికి కృషి చేసిన నటీనటులు, సాంకేతిక నిపుణులు, చిత్రబృందం మొత్తానికి శుభాకాంక్షలు తెలియజేసింది. సంప్రదాయ కళాకారుల జీవితాలు, వారి సేవలను ప్రేక్షకులకు చేరువ చేయడంలో ఈ చిత్రం మంచి పాత్ర పోషిస్తుందని పేర్కొంది. ‘గరివిడి లక్ష్మి’ సినిమా విజయవంతం కావాలని పవన్ కల్యాణ్ క్రియేటివ్ వర్క్స్ ఆకాంక్షించింది.