‘రాధేశ్యామ్‌’పై ప్రశాంత్‌ నీల్‌ పంచ్‌.. ‘సలార్‌ 2’లో చెబుతా అంటూ ప్రభాస్‌ స్వీట్‌ వార్నింగ్‌!

కీర్తన్‌ గౌడ దర్శకత్వంలో తెరకెక్కిన తాజా హారర్‌ థ్రిల్లర్‌ ‘418’లో సూర్య రాజ్‌, చరణ్‌ లక్కరాజు, ప్రీతి పగడాల ప్రధాన పాత్రలు పోషించారు. ప్రముఖ దర్శకుడు ప్రశాంత్‌ నీల్‌ ఈ చిత్రాన్ని సమర్పిస్తున్నారు. సినిమా ప్రమోషన్స్‌లో అగ్ర కథానాయకుడు ప్రభాస్‌ పాల్గొని చిత్ర బృందానికి శుభాకాంక్షలు తెలిపారు. ఈ సందర్భంగా ప్రభాస్‌, ప్రశాంత్‌ నీల్‌ మధ్య జరిగిన సరదా సంభాషణ అందరి దృష్టిని ఆకర్షించింది. తన సినిమాల్లో కనిపించే తరహాలోనే ‘418’లోనూ డార్క్‌ థీమ్‌ ఉండటంతోనే ప్రశాంత్‌ నీల్‌ ఈ చిత్రానికి సమర్పకుడిగా వ్యవహరించారా? అని ప్రభాస్‌ సరదాగా ప్రశ్నించారు.

దీనికి ప్రశాంత్‌ నీల్‌ తనదైన శైలిలో స్పందిస్తూ.. ‘‘మరి ఇది ‘రాధేశ్యామ్‌’లా తీస్తే బాగుండదు కదన్నా’’ అంటూ పంచ్‌ వేశారు. దీంతో ప్రభాస్‌ కూడా సరదాగా స్పందిస్తూ.. ‘‘సలార్‌ 2 షూటింగ్‌లో చెబుతా’’ అంటూ స్వీట్‌ వార్నింగ్‌ ఇచ్చారు. వీరిద్దరి మధ్య జరిగిన ఈ చమత్కార సంభాషణ ‘418’ ప్రమోషన్స్‌లో ప్రత్యేక ఆకర్షణగా నిలిచింది. ప్రభాస్‌, ప్రశాంత్‌ నీల్‌ మధ్య ఉన్న స్నేహపూర్వక అనుబంధాన్ని ప్రతిబింబించే ఈ సరదా మాటలు అభిమానుల్లో ఆసక్తిని పెంచుతున్నాయి.