వారణాసి నుంచి ప్రియాంకా కొత్త లుక్.. అభిమానులకు రాజమౌళి టీమ్ స్పెషల్ ట్రీట్!

భారతీయ సినీ అభిమానులు ఎంతో ఆసక్తిగా ఎదురుచూస్తున్న ‘వారణాసి’ చిత్రం నుంచి ప్రియాంకా చోప్రాకు సంబంధించిన రెండు కొత్త పోస్టర్లను చిత్రబృందం ఎలాంటి ముందస్తు ప్రకటన లేకుండానే విడుదల చేసింది. అంతర్జాతీయ మీడియా ద్వారా విడుదలైన ఈ పోస్టర్లు సోషల్ మీడియాలో క్షణాల్లో వైరల్ అవుతూ సినిమాపై అంచనాలను మరింత పెంచాయి. ప్రియాంకా స్టైలిష్ లుక్స్ ప్రేక్షకులను విశేషంగా ఆకట్టుకుంటున్నాయి.

ఒక పోస్టర్‌లో ప్రియాంకా గ్లామరస్ అవతార్‌లో కనిపించగా, మరో పోస్టర్‌లో ఎంతో సింపుల్, రిలాక్స్‌డ్ లుక్‌లో దర్శనమిచ్చింది. ఈ రెండు లుక్స్ ఆమె పాత్రపై మరింత ఆసక్తిని పెంచుతున్నాయని అభిమానులు అభిప్రాయపడుతున్నారు. మహేష్ బాబు హీరోగా, ఎస్ ఎస్ రాజమౌళి దర్శకత్వంలో తెరకెక్కుతున్న ఈ చిత్రంలో పృథ్వీరాజ్ సుకుమారన్ కీలక పాత్రలో నటిస్తున్నారు. ఎం ఎం కీరవాణి సంగీతం అందిస్తున్న ఈ భారీ చిత్రాన్ని కే ఎల్ నారాయణ, ఎస్ ఎస్ కార్తికేయ నిర్మిస్తున్నారు.