వాయిదా తర్వాత కూడా మొదలుకాని ప్రమోషన్స్‌

వెంకటేష్ నటిస్తున్న ‘ఆదర్శ కుటుంబం హౌస్ నంబర్ 47’ చిత్రం త్వరలోనే థియేటర్లలోకి రావాల్సి ఉండగా, పోస్ట్‌ ప్రొడక్షన్ పనుల్లో జాప్యం కారణంగా చిత్రబృందం విడుదలను వాయిదా వేసింది. కొత్త విడుదల తేదీపై అధికారిక ప్రకటన ఇంకా వెలువడలేదు. అయితే, సంగీత దర్శకుడు తమన్ అక్టోబర్ 30వ తేదీని సూచించినట్లు వార్తలు వస్తున్నాయి.

విడుదల తేదీపై స్పష్టత లేకపోవడంతో పాటు, ఇప్పటివరకు కనీసం పోస్టర్‌ను కూడా విడుదల చేయకపోవడం వెంకటేష్ అభిమానుల్లో చర్చకు దారి తీసింది. వాయిదా పడిన సమయాన్ని ప్రచార కార్యక్రమాల కోసం ఉపయోగించుకోవాలని వారు భావిస్తున్నారు. త్రివిక్రమ్ దర్శకత్వం వహిస్తున్న ఈ చిత్రంలో శ్రీనిధి శెట్టి, నివేదా పేతురాజ్, సత్య తదితరులు కీలక పాత్రల్లో నటిస్తున్నారు. హారిక అండ్ హాసిని క్రియేషన్స్ ఈ చిత్రాన్ని నిర్మిస్తోంది. విడుదల తేదీ, ప్రచార కార్యక్రమాలపై చిత్రబృందం నుంచి అధికారిక ప్రకటన రావాల్సి ఉంది.