'కొరియన్ కనకరాజు' అందరినీ ఎంటర్టైన్ చేస్తుంది: 'రాసా గుమ్మాడి' సాంగ్ లాంచ్‌లో వరుణ్ తేజ్

మెగా ప్రిన్స్ వరుణ్ తేజ్ హీరోగా మేర్లపాక గాంధీ దర్శకత్వంలో తెరకెక్కుతున్న హారర్-కామెడీ చిత్రం 'కొరియన్ కనకరాజు' నుంచి రెండో పాట 'రాసా గుమ్మాడి'ని అనంతపురంలో అభిమానుల సమక్షంలో ఘనంగా విడుదల చేశారు. ఎస్. థమన్ స్వరపరిచిన ఈ ఫోక్ సాంగ్‌కు నల్గొండ గద్దర్ గాత్రం, కాసర్ల శ్యామ్ సాహిత్యం ప్రత్యేక ఆకర్షణగా నిలిచాయి. లిరికల్ వీడియోలో వరుణ్ తేజ్ మాస్ లుక్, డ్యాన్స్ స్టెప్పులు, దక్ష నగార్కర్‌తో కెమిస్ట్రీ ప్రేక్షకులను ఆకట్టుకుంటున్నాయి. ప్రస్తుతం పోస్ట్ ప్రొడక్షన్ చివరి దశలో ఉన్న ఈ చిత్రం ఆగస్టు 7న ప్రపంచవ్యాప్తంగా విడుదల కానుంది.

సాంగ్ లాంచ్ ఈవెంట్‌లో వరుణ్ తేజ్ మాట్లాడుతూ, ఈ సినిమా అనంతపురం నేపథ్యంలో తెరకెక్కినందున ఇక్కడే పాటను విడుదల చేయాలని భావించినట్లు తెలిపారు. ఈ చిత్రం అన్ని వర్గాల ప్రేక్షకులను అలరిస్తుందనే నమ్మకం వ్యక్తం చేసిన ఆయన, కాలి గాయం కారణంగా ఇంకా పూర్తిగా కోలుకోలేదని వెల్లడించారు. దర్శకుడు మేర్లపాక గాంధీ, నిర్మాత రాజీవ్ రెడ్డి కూడా ఈ చిత్రంలో మాస్ ప్రేక్షకులను ఆకట్టుకునే అన్ని అంశాలు ఉన్నాయని, థమన్ సంగీతం సినిమాకు ప్రధాన బలమవుతుందని పేర్కొంటూ ప్రేక్షకుల మద్దతు కోరారు.