చిరు- రాజ్‌కుమార్‌ల స్టిల్‌.. రీ క్రియేట్‌ చేసిన చరణ్‌- శివన్న

టాలీవుడ్ మెగాస్టార్ చిరంజీవి, కన్నడ స్టార్ రాజ్‌కుమార్ మధ్య ఉన్న అనుబంధాన్ని గుర్తు చేస్తూ తీసిన పాత స్టిల్‌ను ‘పెద్ది’ ప్రమోషన్స్‌లో రీ-క్రియేట్ చేశారు. రామ్ చరణ్, శివరాజ్‌కుమార్, జాన్వీ కపూర్ కలిసి పాల్గొన్న స్పెషల్ చిట్‌చాట్‌లో ఈ సన్నివేశం హైలైట్‌గా నిలిచింది. హోస్ట్ చూపించిన చిరు–రాజ్‌కుమార్ స్టిల్‌ను వెంటనే శివన్న, చరణ్ కలిసి రీ-క్రియేట్ చేశారు.

ఈ సందర్భంగా శివరాజ్‌కుమార్ రామ్ చరణ్‌ను హగ్ చేసుకుని ప్రేమ వ్యక్తం చేయగా, ఆ స్టిల్స్ సోషల్ మీడియాలో వైరల్ అయ్యాయి. ‘పెద్ది’ సినిమాలో శివన్న చరణ్‌కు గురువుగా కనిపించనున్నారు. జూన్ 4న విడుదల కానున్న ఈ చిత్రంపై ఇప్పటికే భారీ అంచనాలు నెలకొన్నాయి.