రామ్ నితిన్ బర్త్‌డే స్పెషల్.. కొత్త యూత్‌ఫుల్ ఎంటర్‌టైనర్ పోస్టర్ విడుదల

యువ నటుడు రామ్ నితిన్ బర్త్‌డే సందర్భంగా ఆయన నటిస్తున్న కొత్త యూత్‌ఫుల్ ఎంటర్‌టైనర్ చిత్రానికి సంబంధించిన బర్త్‌డే స్పెషల్ పోస్టర్‌ను చిత్ర బృందం విడుదల చేసింది. "మ్యాడ్" సినిమాతో యువ ప్రేక్షకుల్లో మంచి గుర్తింపు తెచ్చుకున్న రామ్ నితిన్, మరోసారి యూత్‌ను ఆకట్టుకునే కథతో ప్రేక్షకుల ముందుకు రానున్నారు. ఈ చిత్రాన్ని వల్లభనేని గిరిబాబు సమర్పణలో ధీరజ్ మొగిలినేని ఎంటర్‌టైన్‌మెంట్స్ బ్యానర్‌పై నిర్మాత ధీరజ్ మొగిలినేని నిర్మిస్తుండగా, ఈ2సీ టాకీస్ బ్యానర్‌పై వినీత్, సందీప్ సహ నిర్మాతలుగా వ్యవహరిస్తున్నారు. "సుందరకాండ" ఫేమ్ దర్శకుడు వెంకటేష్ నిమ్మలపూడి ఈ చిత్రానికి దర్శకత్వం వహిస్తున్నారు.

విడుదలైన పోస్టర్‌లో రంగురంగుల కాలేజ్ ఫెస్ట్ వాతావరణం కనిపిస్తూ యూత్‌ఫుల్ ఎనర్జీని ప్రతిబింబిస్తోంది. "ఫన్, ఫెస్ట్, కెయాస్... బిగిన్స్ సూన్" అనే క్యాప్షన్ సినిమాపై ఆసక్తిని మరింత పెంచుతోంది. కాకినాడలోని ఓ కాలేజ్ నేపథ్యంగా సాగే ఈ చిత్రం పూర్తి స్థాయి వినోదాత్మక కథాంశంతో తెరకెక్కుతోంది. "లిటిల్ హార్ట్స్" ఫేమ్ సింజిత్ యెర్రమల్లి సంగీతం అందిస్తుండగా, యువతను ఆకట్టుకున్న ప్రతిభావంతులైన సాంకేతిక బృందం ఈ ప్రాజెక్ట్‌కు పని చేస్తోంది. త్వరలో మరిన్ని వివరాలను మేకర్స్ ప్రకటించనున్నారు.