మారెమ్మ ట్రైలర్‌ను ఆవిష్కరించిన హీరో రామ్

‘మారెమ్మ’ ట్రైలర్‌ను ఆవిష్కరించిన సందర్భంగా హీరో రామ్ పోతినేని చిత్రబృందానికి ప్రత్యేక శుభాకాంక్షలు తెలిపారు. ట్రైలర్ ఎంతో రా, ఆసక్తికరంగా ఉందని, మట్టివాసనతో కూడిన స్వచ్ఛమైన కథను ప్రతిబింబిస్తున్నట్లు ప్రశంసించారు. ప్రధాన నటుడు మాధవ్‌తో పాటు చిత్రబృందం మొత్తం ఈ చిత్ర విజయంలో భాగస్వాములు కావాలని ఆకాంక్షించారు.

గ్రామీణ నేపథ్యం, సహజమైన కథనంతో రూపొందిన ‘మారెమ్మ’పై ఇప్పటికే మంచి ఆసక్తి నెలకొంది. మాధవ్ ప్రధాన పాత్రలో నటించిన ఈ చిత్రానికి మంచి స్పందన రావాలని రామ్ పోతినేని ఆకాంక్షించారు. ‘మారెమ్మ’ చిత్రం సెప్టెంబర్ 10, 2026న గ్రాండ్‌గా ప్రేక్షకుల ముందుకు రానుంది.