పెళ్లిపై కామెంట్స్‌కు షమితా ఘాటైన స్పందన

బాలీవుడ్ నటి షమితా శెట్టి తన వయసు మరియు పెళ్లిపై వచ్చిన ట్రోల్స్‌కు ఘాటుగా స్పందించింది. శిల్పా శెట్టి చెల్లెలైన షమితా ప్రస్తుతం 47 ఏళ్ల వయసులో ఉండగా, పెళ్లి చేసుకోలేదని కొందరు నెటిజన్లు సోషల్ మీడియాలో విమర్శలు చేశారు. 2023లో ది టెనెంట్ సినిమాతో రీ ఎంట్రీ ఇచ్చిన ఆమె ప్రస్తుతం కొత్త అవకాశాల కోసం ఎదురుచూస్తోంది.

ఈ ట్రోల్స్‌పై స్పందించిన షమితా శెట్టి వయసు పెరగడం సహజమని, అందం శాశ్వతం కాదని అన్నారు. అయితే తాను ఫిట్‌గా, సంతోషంగా ఉన్నానని చెప్పారు. ఒంటరి మహిళలను టార్గెట్ చేయడం ఎందుకని ప్రశ్నించిన ఆమె, తన వ్యక్తిగత జీవితంలో జోక్యం చేసుకోవద్దని ట్రోల్స్‌కు ఘాటైన కౌంటర్ ఇచ్చింది.