చెన్నైలో కొత్త ఇంట్లోకి శ్రుతి హాసన్..

ప్రముఖ నటి శ్రుతి హాసన్ చెన్నైలో కొనుగోలు చేసిన కొత్త ఇంట్లో సంప్రదాయబద్ధంగా గృహప్రవేశ వేడుక నిర్వహించారు. ఈ సందర్భంగా నిర్వహించిన పూజా కార్యక్రమానికి సంబంధించిన ఫొటోలను ఆమె సోషల్ మీడియాలో పంచుకోగా అభిమానుల నుంచి శుభాకాంక్షలు వెల్లువెత్తాయి. సంప్రదాయ దుస్తుల్లో ఎంతో సింపుల్‌గా కనిపించిన శ్రుతి, పూజా ఏర్పాట్లు, పిండివంటలు, కొత్త ఇంటి తాళాల ఫొటోలను కూడా అభిమానులతో పంచుకున్నారు.

ఈ వేడుకకు కొద్దిమంది సన్నిహితులు మాత్రమే హాజరుకాగా, కమల్ హాసన్, అక్షర హాసన్ సహా కుటుంబ సభ్యులు కనిపించకపోవడం చర్చనీయాంశమైంది. అయితే దీనిపై కుటుంబం నుంచి ఎలాంటి అధికారిక స్పందన రాలేదు. మరోవైపు శ్రుతి హాసన్ ప్రస్తుతం ట్రైన్, ఆకాశంలో ఒక తార వంటి చిత్రాలతో పాటు పలు సంగీత ప్రాజెక్టులతో బిజీగా ఉండగా, ఇటీవల పెద్ది చిత్రంలోని ప్రత్యేక గీతంతో కూడా ప్రేక్షకులను ఆకట్టుకున్నారు.