తెలుగు సినిమాలకు మద్దతు ఇవ్వాలని ఎస్‌కేఎన్ సూచన

టాలీవుడ్‌లో వరుస విజయాలతో దూసుకుపోతున్న నిర్మాత ఎస్‌కేఎన్, సాయి రాజేష్ దర్శకత్వంలో రూపొందిన ‘చెన్నై లవ్ స్టోరీ’ సినిమాతో ప్రేక్షకుల ముందుకు రానున్నారు. ఈ చిత్రంలో కిరణ్ అబ్బవరం, శ్రీ గౌరీ ప్రియ ప్రధాన పాత్రల్లో నటిస్తున్నారు. జూలై 24న విడుదల కానున్న ఈ సినిమా ప్రమోషన్‌లో భాగంగా చిత్రబృందం అభిమానులతో ముచ్చటించింది.

ఈ సందర్భంగా ఓ అభిమాని శ్రీ గౌరీ ప్రియను ఆమెకు నచ్చిన మూడు లవ్ స్టోరీ సినిమాల గురించి అడగగా, ఆమె ‘సఖి’, ‘సూర్య సన్ ఆఫ్ కృష్ణన్’, ‘96’ అని చెప్పింది. దీనిపై ఎస్‌కేఎన్ సరదాగా స్పందిస్తూ అవి డబ్బింగ్ సినిమాలని, తెలుగు లవ్ స్టోరీల పేర్లు చెప్పాలని అన్నారు. మన వాళ్లు కూడా ఇతర భాషల సినిమాల పేర్లు చెబితే తెలుగు సినిమాలు ఎలా ఎదుగుతాయని వ్యాఖ్యానించారు. ఈ సరదా సంభాషణ ప్రస్తుతం సోషల్ మీడియాలో వైరల్ అవుతోంది.