టాక్ ఎలా ఉన్నా ట్రెండ్ మాత్రం విజయ్ సినిమాదే!

దళపతి విజయ్ ప్రధాన పాత్రలో తెరకెక్కిన ‘జన నాయకుడు’ విడుదల అనంతరం మిక్స్‌డ్ టాక్ వచ్చినప్పటికీ రెండో రోజు బాక్సాఫీస్ వద్ద మంచి జోరు కొనసాగిస్తోంది. తమిళంతో పాటు తెలుగులో ‘జన నాయకుడు’, హిందీలో ‘జన్ నేత’ పేర్లతో విడుదలైన ఈ చిత్రం మూడు భాషల్లోనూ అడ్వాన్స్ బుకింగ్స్‌లో ఆకట్టుకుంటోంది. బుక్ మై షో గణాంకాల ప్రకారం టికెట్ విక్రయాలు స్థిరంగా కొనసాగుతున్నాయి.

తమిళ వెర్షన్‌కు గంటకు 20 వేలకుపైగా టికెట్లు బుక్ అవుతుండగా, తెలుగు వెర్షన్‌కు సుమారు 2 వేల బుకింగ్స్, హిందీ వెర్షన్‌కు వెయ్యికిపైగా బుకింగ్స్ నమోదవుతున్నాయి. రాజకీయాల్లో పూర్తిస్థాయిలో అడుగుపెట్టే ముందు విజయ్ నటించిన చివరి చిత్రం కావడంతో ప్రేక్షకుల్లో ఆసక్తి కొనసాగుతుండగా, వీకెండ్‌లో ఈ సినిమా మూడు భాషల్లోనూ మంచి వసూళ్లు నమోదు చేసే అవకాశాలు కనిపిస్తున్నాయి.