బాలయ్య కుమార్తె స్టెప్పులకు ఫిదా అవుతున్న నెటిజన్లు.. వైరల్‌గా మారిన వీడియో!

నందమూరి బాలకృష్ణ రెండో కుమార్తె తేజస్విని మరోసారి సోషల్ మీడియాలో చర్చనీయాంశంగా మారారు. విశాఖపట్నం ఎంపీ శ్రీభరత్ సతీమణి అయిన తేజస్విని, ప్రముఖ కొరియోగ్రాఫర్‌తో కలిసి చేసిన డాన్స్ వీడియో తాజాగా నెట్టింట వైరల్ అవుతోంది. ఆమె ఎనర్జీ, స్టైల్, డాన్స్ మూమెంట్స్ అభిమానులను ఆకట్టుకోవడంతో వీడియోకు మంచి స్పందన లభిస్తోంది.

ఇప్పటికే ఒక ప్రముఖ ఆభరణాల సంస్థ ప్రకటనలో కనిపించి తన హుందాతనంతో అందరి దృష్టిని ఆకర్షించిన తేజస్విని, ఇప్పుడు డాన్స్ ప్రదర్శనతో మరోసారి ప్రశంసలు అందుకుంటున్నారు. నందమూరి అభిమానులు ఆమె ప్రతిభను మెచ్చుకుంటూ, ఒకవేళ సినిమాల్లోకి వస్తే తండ్రి బాలకృష్ణ వారసత్వాన్ని విజయవంతంగా కొనసాగించే అవకాశం ఉందని కామెంట్లు చేస్తున్నారు. ప్రస్తుతం ఆమె డాన్స్ వీడియో సోషల్ మీడియాలో హాట్ టాపిక్‌గా మారింది.