పర్సంటేజీ విధానంపై తెలుగు ఫిలింఛాంబర్ కీలక నిర్ణయం!

సినిమా రిలీజ్‌లకు సంబంధించిన పర్సంటేజీ విధానంపై తెలుగు ఫిలింఛాంబర్ కీలక నిర్ణయం తీసుకుంది. ఈ సమస్యపై అధ్యయనం చేసి పరిష్కార మార్గాలు సూచించేందుకు 15 మంది సభ్యులతో ప్రత్యేక కమిటీని ఏర్పాటు చేసింది.

నిర్మాత సి కళ్యాణ్ మాట్లాడుతూ రెండు నెలల్లోగా కమిటీ నివేదిక సమర్పించాలని ఆదేశించినట్లు తెలిపారు. ఈ వ్యవధిలో సమస్యకు పరిష్కారం లభిస్తుందని ఆశాభావం వ్యక్తం చేశారు. సినిమా రిలీజ్‌లకు ఎలాంటి ఇబ్బందులు ఉండవని స్పష్టం చేశారు. కమిటీలో ఐదుగురు నిర్మాతలు, ఐదుగురు ఎగ్జిబిటర్లు, ఐదుగురు డిస్ట్రిబ్యూటర్లు సభ్యులుగా ఉంటారు.