‘ఆ సినిమా ఫస్ట్ హాఫ్ టెక్స్ట్‌బుక్‌లా ఉంది’.. సుమంత్ కామెంట్స్ వైరల్!

హీరో సుమంత్ నటించిన ‘మహేంద్రగిరి వారాహి’ సెప్టెంబర్ 11న ప్రేక్షకుల ముందుకు రానుంది. ఈ నేపథ్యంలో చిత్రబృందం తాజాగా ట్రైలర్‌ను విడుదల చేసింది. ట్రైలర్ లాంచ్ ఈవెంట్‌కు దర్శకుడు వెంకీ అట్లూరి ముఖ్య అతిథిగా హాజరయ్యారు. ఈ సందర్భంగా సుమంత్ మాట్లాడుతూ వెంకీ అట్లూరి చాలా మంచి దర్శకుడని ప్రశంసించారు. గతంలో ఆయన దర్శకత్వం వహించిన ‘సార్’ సినిమాలో తాను చిన్న పాత్రలో నటించిన విషయాన్ని గుర్తుచేశారు.

ఇటీవల వెంకీ అట్లూరి తెరకెక్కించిన ‘విశ్వనాథ్ అండ్ సన్స్’ సినిమా తనకు బాగా నచ్చిందని సుమంత్ తెలిపారు. ముఖ్యంగా ఆ సినిమా ఫస్ట్ హాఫ్ రైటింగ్ టెక్స్ట్‌బుక్‌లా ఉందని ప్రశంసించారు. ‘మహేంద్రగిరి వారాహి’లో ఐశ్వర్య రాజేష్, మాళవిక నాయర్, మీనాక్షి గోస్వామి కీలక పాత్రలు పోషించగా, సిద్ధు జొన్నలగడ్డ అతిథి పాత్రలో కనిపించనున్నారు. సంతోష్ జాగర్లపూడి దర్శకత్వం వహించిన ఈ చిత్రానికి అనూప్ రూబెన్స్ సంగీతం అందించారు.