విజయ్ మాటలు మరచిపోలేని అనుభవం: అనిల్

‘భగవంత్ కేసరి’తో సూపర్ హిట్ అందుకున్న టాలీవుడ్ దర్శకుడు అనిల్ రావిపూడి, తమిళ స్టార్ విజయ్‌తో తనకు జరిగిన ప్రత్యేక అనుభవాన్ని పంచుకున్నారు. ఈ సినిమాకు రీమేక్‌గా రూపొందుతున్న ‘జన నాయగన్’ జూలై 23న విడుదలకు సిద్ధమవుతోంది. ఇది విజయ్ చివరి సినిమా కావడంతో భారీ అంచనాలు నెలకొన్నాయి. ‘ది గోట్’ షూటింగ్ సమయంలో విజయ్ తనను ప్రత్యేకంగా పిలిచిన విషయాన్ని అనిల్ గుర్తు చేసుకున్నారు.

ఆ సమావేశంలో విజయ్ తన సినిమా చూసి చాలా నచ్చిందని, కొన్ని సన్నివేశాలు ఎంతో ఇంప్రెస్ చేశాయని చెప్పారని అనిల్ తెలిపారు. ఆ మాటలు తనకు మరపురాని అనుభూతి ఇచ్చాయని, వెంటనే మహేష్ బాబుతో ఆ ఆనందాన్ని పంచుకున్నానని చెప్పారు. అలాగే ‘జన నాయగన్’ కోసం మేకర్స్ రీమేక్ హక్కులు తీసుకుని కొత్త కథను రూపొందించారని, అయితే ఆ ప్రక్రియలో తాను భాగం కాలేదని స్పష్టం చేశారు.