ఇన్నేళ్లుగా నమ్మింది నిజం కాదా? ‘రాంచో’పై ఆమిర్ ఖాన్ షాకింగ్ కామెంట్స్!

‘3 ఇడియట్స్’ సినిమాలోని ‘రాంచో’ పాత్ర సోనమ్ వాంగ్‌చుక్ జీవితాన్ని ఆధారంగా చేసుకుని రూపొందించారనే ఎన్నాళ్లుగానో వస్తున్న ప్రచారానికి ఆమిర్ ఖాన్ తెరదించారు. సినిమా నిర్మాణ సమయంలో తమకు సోనమ్ వాంగ్‌చుక్ గురించి ఎలాంటి అవగాహన లేదని, రాంచో పాత్రకు ఆయన జీవితానికి ఎలాంటి సంబంధం లేదని స్పష్టం చేశారు. ఇన్నేళ్లుగా ప్రచారంలో ఉన్నది కేవలం అపోహ మాత్రమేనని చెప్పారు.

అయితే సోనమ్ వాంగ్‌చుక్ చేస్తున్న విద్యా, సామాజిక సేవలను ఆమిర్ ఖాన్ ప్రశంసించారు. ఆయన సమాజానికి చేస్తున్న సేవలు ఎంతో గొప్పవని కొనియాడారు. రాంచో ఒక కల్పిత పాత్ర మాత్రమేనని, దాన్ని సోనమ్ వాంగ్‌చుక్ జీవితంతో ముడిపెట్టడం సరైంది కాదని మరోసారి స్పష్టం చేశారు.