ఓటీటీలో క్రేజీ థ్రిల్లర్ సినిమా.. స్ట్రీమింగ్ ఎప్పుడంటే?

సజిన్ గోపు, నిఖిలా విమల్ ప్రధాన పాత్రల్లో నటించిన మలయాళ ఫాంటసీ థ్రిల్లర్ ధూమకేతు ఓటీటీలో విడుదలకు సిద్ధమైంది. సుధీ మాడిసన్ దర్శకత్వం వహించిన ఈ సినిమా సెప్టెంబర్ 25, 2026న థియేటర్లలో విడుదలైంది. తాజా అధికారిక ప్రకటన ప్రకారం, అక్టోబర్ 23, శుక్రవారం నుంచి నెట్‌ఫ్లిక్స్‌లో స్ట్రీమింగ్ కానుంది.

ఈ సినిమాలో 36 ఏళ్ల లాటిన్ కుమార్ అలియాస్ కుట్టన్ పాత్రలో సజిన్ గోపు కనిపిస్తారు. శర్మిల అనే యువతిని వివాహం చేసుకున్న కుట్టన్‌కు పెళ్లి రాత్రి ఊహించని సంఘటనలు ఎదురవుతాయి. ఆకాశంలో ఓ వింత ధూమకేతువు కనిపించిన అదే రాత్రి, ముసుగులు ధరించిన వ్యక్తులు అతడిని హత్య చేస్తారు. అయితే, మరుసటి క్షణమే కుట్టన్ తన పెళ్లి రోజు ఉదయం మళ్లీ నిద్రలేస్తాడు. ఇలా ఒకే రోజులో చిక్కుకుపోయిన అతడు, తనను చంపాలనుకుంటున్నది ఎవరో తెలుసుకోవడంతో పాటు టైమ్ లూప్ నుంచి బయటపడేందుకు ప్రయత్నిస్తాడు. ఫాంటసీ, ఉత్కంఠ, మిస్టరీ అంశాలతో రూపొందిన ఈ సినిమా ఈ వారం ఓటీటీలో ఆసక్తికరమైన ఎంపికగా నిలవనుంది.