ఓటీటీలోకి ‘ది మమ్మీ 2026’.. స్ట్రీమింగ్ ఎప్పుడంటే?

90ల్లో హాలీవుడ్ సినిమాలను చూసి పెరిగిన ప్రేక్షకులకు ‘మమ్మీ’ ఫ్రాంచైజీ పేరు వినగానే అడ్వెంచర్‌తో పాటు ఓ రకమైన భయం కూడా గుర్తొస్తుంది. అయితే తాజాగా వచ్చిన ‘ది మమ్మీ 2026’ మాత్రం ఆ ఫ్రాంచైజీని మరింత డార్క్ హారర్ వైపు తీసుకెళ్లింది. లీ క్రోనిన్ దర్శకత్వం వహించిన ఈ సినిమా ఏప్రిల్ 17న ప్రపంచవ్యాప్తంగా థియేటర్లలో విడుదలైంది. ఇప్పుడు ఇండియన్ ఆడియన్స్ కోసం ఓటీటీ విడుదలకు సిద్ధమైంది.

ఎనిమిదేళ్ల క్రితం అదృశ్యమైన తమ కుమార్తె తిరిగి ఇంటికి రావడంతో ఓ కుటుంబం ఆనందంలో మునిగిపోతుంది. కానీ ఆమెతో పాటు వచ్చిన అతీంద్రియ శక్తి ఆ కుటుంబాన్ని భయానక పరిస్థితుల్లోకి నెట్టేస్తుంది. ఆ తర్వాత జరిగే పరిణామాలే సినిమా కథ. హారర్ సన్నివేశాలతో పాటు బ్యాక్‌గ్రౌండ్ స్కోర్ కూడా ప్రేక్షకులను భయపెట్టేలా రూపొందించినట్లు తెలుస్తోంది. ఇప్పటికే విదేశాల్లో అమెజాన్ ప్రైమ్ వీడియో, ఆపిల్ టీవీ ప్లస్‌లో రెంట్ విధానంలో అందుబాటులోకి వచ్చిన ఈ సినిమా, సెప్టెంబర్ 17 నుంచి జియోహాట్‌స్టార్‌లో స్ట్రీమింగ్ కానుంది. తెలుగు, తమిళ, హిందీ, ఇంగ్లిష్ భాషల్లో సినిమాను చూసే అవకాశం ఉంది.