వీకెండ్ ఎంటర్‌టైన్‌మెంట్ ఫుల్ జోష్..ఓటీటీల్లో 20కి పైగా కొత్త సినిమాలు, సిరీస్‌లు

మరో వీకెండ్ వచ్చేసింది. ప్రతి శుక్రవారం లాగే ఈసారి కూడా థియేటర్లు, ఓటీటీ ప్లాట్‌ఫామ్‌లు కొత్త సినిమాలు, సిరీస్‌లతో ప్రేక్షకులను అలరించేందుకు సిద్ధమయ్యాయి. అయితే ఈ వారం బాక్సాఫీస్ వద్ద పెద్ద సినిమాలు లేకపోవడం గమనార్హం. థియేటర్లలో వాళా-2 తెలుగు డబ్బింగ్ వెర్షన్‌తో పాటు గేదేల రాజు వంటి చిత్రాలు విడుదలవుతున్నాయి. ముఖ్యంగా మలయాళంలో విజయవంతమైన సినిమా కావడంతో వాళా-2పై కొంత ఆసక్తి కనిపిస్తోంది.

ఓటీటీల విషయానికొస్తే రేపు భారీ ఎంటర్‌టైన్‌మెంట్ లైన్‌అప్ సిద్ధంగా ఉంది. తెలుగు మూవీ బ్యాండు మేళంపై ప్రేక్షకుల్లో మంచి ఆసక్తి నెలకొంది. అలాగే హ్యాపీ రాజ్ తెలుగు డబ్బింగ్ వెర్షన్, మలయాళ చిత్రం ప్రతి ఛాయ కూడా ఓటీటీ ప్రేక్షకులను ఆకట్టుకునే అవకాశం ఉంది. బాలీవుడ్, హాలీవుడ్, జపనీస్ మరియు ఇతర భాషల నుంచి కూడా అనేక చిత్రాలు, వెబ్ సిరీస్‌లు స్ట్రీమింగ్‌కు రానున్నాయి. మొత్తం మీద రేపు ఒక్క రోజే దాదాపు 20కి పైగా టైటిల్స్ విడుదలవుతున్నాయి.

నెట్‌ఫ్లిక్స్‌లో: అపెక్స్, నుక్కడ్ నాటక్, ఇఫ్ విషెస్ కుడ్ కిల్, నీ ఫరెవర్, సోనిక్ 3 ది హెడ్జ్‌హాగ్, అన్‌కామన్ వాలర్ (ఏప్రిల్ 24), మై డ్రెస్‌అప్ డార్లింగ్ (ఏప్రిల్ 25), 28 యర్స్ లేటర్ - ది బోన్ టెంపుల్ (ఏప్రిల్ 26). జియో హాట్‌స్టార్‌లో: ప్రతి ఛాయ, 24. సన్ నెక్స్ట్‌లో: జేసీ ది యూనివర్సిటీ. జీ5లో: బ్యాండు మేళం, జిరాక్స్. అమెజాన్ ప్రైమ్‌లో: హ్యాపీరాజ్, నాటీ బిజినెస్, మార్టీ సుప్రీమ్, న్యూ బండిట్స్ - సీజన్ 2, ఇమ్మార్షల్ కాంబాట్. లయన్స్ గేట్ ప్లేలో: గ్రీన్ ల్యాండ్ 2: మైగ్రేషన్. ఆపిల్ టీవీ ప్లస్‌లో: మై బ్రదర్ ద మినోటర్. హులు‌లో: నో అదర్ ఛాయిస్. ముబీ‌లో: సౌండ్ ఆఫ్ ఫాలింగ్.