టీడీపీ ఎమ్మెల్యే పై సీఎం ఫైర్

టోల్‌గేట్ సిబ్బంది పై జరిగిన దాడి ఘటన పై ముఖ్యమంత్రి నారా చంద్రబాబు నాయుడు తీవ్రంగా స్పందించారు. ఈ ఘటనలో పాల్గొన్న ఎమ్మెల్యే అమిలినేని సురేంద్రబాబు అనుచరులపై వెంటనే కేసులు నమోదు చేయాలని అధికారులకు ఆదేశించారు. అన్నమయ్య జిల్లాలోని మదనపల్లె–తిరుపతి రహదారిపై గండబోయినపల్లె టోల్‌గేట్ వద్ద ఈ సంఘటన చోటుచేసుకుంది. టోల్‌గేట్ సిబ్బందితో జరిగిన వాగ్వాదం ఉద్రిక్తతకు దారి తీసి, అనంతరం దాడిగా మారినట్లు సమాచారం.

చట్టాన్ని చేతుల్లోకి తీసుకునే చర్యలను ప్రభుత్వం ఎట్టి పరిస్థితుల్లోనూ సహించదని సీఎం స్పష్టం చేశారు. ఇలాంటి ఘటనలపై కఠిన చర్యలు తీసుకుంటామని హెచ్చరించారు.