బిగ్ బాస్ తెలుగు 10: డే 1 ప్రోమో 2లో స్పెషల్ పవర్స్‌తో గేమ్‌లో కొత్త ట్విస్ట్...

బిగ్ బాస్ తెలుగు సీజన్ 10 ఎంతో సందడిగా ప్రారంభమైంది. ఈ సీజన్‌లో 16 మంది కంటెస్టెంట్‌లు హౌస్‌లోకి అడుగుపెట్టారు. ప్రారంభంలోనే కొందరు కంటెస్టెంట్‌లకు ప్రత్యేక కీలను అందించడంతో, వాటి వెనుక ఉన్న పవర్స్‌ ఏంటనే ఆసక్తి ప్రేక్షకుల్లో నెలకొంది. తాజాగా విడుదలైన డే 1 ప్రోమోలో ఆ స్పెషల్ పవర్స్‌కు సంబంధించిన వివరాలను చూపించారు.

ప్రోమో ప్రకారం.. హౌస్‌లోని ఇతర కంటెస్టెంట్‌కు వచ్చిన పవర్‌ను సరిగ్గా చెప్పగలిగితే దాన్ని సొంతం చేసుకునే అవకాశం త్రిగుణ్‌కు లభించింది. మరోవైపు ఎలిమినేషన్ భయం నుంచి తప్పించుకునే పవర్ ఝాన్సీకి దక్కింది. ఇక పవర్ ఉన్న బాక్స్‌ను దక్కించుకునేందుకు నరేశ్ చేసిన ప్రయత్నం సరదాగా సాగి నవ్వులు పూయించింది. ఈ స్పెషల్ పవర్స్‌ బిగ్ బాస్ హౌస్‌లో గేమ్‌ను మరింత ఆసక్తికరంగా మార్చనున్నాయి.