బిగ్‌బాస్‌లో సెలబ్రిటీలకు మానస్ సపోర్ట్.. మరింత హీటెక్కిన కామనర్స్ వర్సెస్ సెలబ్రిటీస్!

బిగ్‌బాస్ తెలుగు మాజీ కంటెస్టెంట్ మానస్ నాగులపల్లి ప్రస్తుత సీజన్‌లోని సెలబ్రిటీ కంటెస్టెంట్లకు బహిరంగంగా మద్దతు తెలిపారు. జియోహాట్‌స్టార్‌లో జరిగిన బిగ్‌బాస్ తెలుగు 24/7 లైవ్ చాట్‌లో పాల్గొన్న మానస్.. తన ఫేవరెట్ కంటెస్టెంట్లలో దేబ్‌జానీ, రామ్ ప్రసాద్, నరేష్ పేర్లను ప్రస్తావించారు. ప్రస్తుతం తాను రామ్ ప్రసాద్‌కు ఓటు వేస్తున్నానని చెప్పారు. తాను సెలబ్రిటీలకే మద్దతుగా ఉన్నానని స్పష్టం చేశారు.

మానస్ వ్యాఖ్యలతో ఇప్పటికే హాట్ టాపిక్‌గా ఉన్న కామనర్స్ వర్సెస్ సెలబ్రిటీస్ చర్చ మరింత వేడెక్కింది. హౌస్ బయట సెలబ్రిటీ కంటెస్టెంట్లకు వారి పరిచయస్తుల నుంచి మద్దతు లభిస్తుండగా.. కామనర్స్ మాత్రం మరింత ఒత్తిడిని ఎదుర్కొంటున్నట్లు కనిపిస్తోంది. హౌస్‌లోనూ ఈ విభజన స్పష్టంగా కనిపిస్తోంది. మొదటి రోజు నుంచే కామనర్ కంటెస్టెంట్ రోహిత్‌పై త్రిగుణ్ మాటలతో విరుచుకుపడుతూ, గిన్నెలు సరిగ్గా కడగడం లేదంటూ పదేపదే ప్రశ్నిస్తున్నారు. దీంతో కామనర్స్ వర్సెస్ సెలబ్రిటీస్ పోరు ఈ సీజన్‌లో కీలక అంశంగా మారింది. ఇప్పుడు అండర్‌డాగ్స్‌గా కనిపిస్తున్న కామనర్స్ ఒక్కసారిగా పుంజుకుని ఆటను మలుపు తిప్పుతారా? అనేది ఆసక్తికరంగా మారింది.