పదేళ్ల తర్వాత ‘బిగ్‌బాస్‌ బంగ్లా’ రీఎంట్రీ

పదేళ్ల విరామం తర్వాత బెంగాలీ రియాలిటీ షో ‘బిగ్‌బాస్‌ బంగ్లా’ మూడో సీజన్‌తో తిరిగి ప్రేక్షకుల ముందుకు వస్తోంది. భారత క్రికెట్‌ జట్టు మాజీ కెప్టెన్‌ సౌరవ్‌ గంగూలీ ఈ సీజన్‌కు హోస్ట్‌గా వ్యవహరించనున్నారు. ఈ రోజు రాత్రి 8 గంటలకు ప్రత్యేక గ్రాండ్‌ ఓపెనింగ్‌ ఎపిసోడ్‌ ప్రసారం కానుంది. ఈ షోను స్టార్‌ జల్షా, జియోహాట్‌స్టార్‌లో వీక్షించవచ్చు.

ఆగస్టు 31 నుంచి సాధారణ ఎపిసోడ్‌లు ప్రతిరోజూ రాత్రి 9:30 గంటలకు ప్రసారం కానున్నాయి. జియోహాట్‌స్టార్‌లో 24×7 లైవ్‌ ఫీడ్‌ కూడా అందుబాటులో ఉంటుంది. సౌరవ్‌ గంగూలీ తొలిసారి బిగ్‌బాస్‌ హోస్ట్‌గా బాధ్యతలు చేపడుతుండటంతో ఈ సీజన్‌పై భారీ ఆసక్తి నెలకొంది. ఈ ఏడాది బిగ్‌బాస్‌ ఫ్రాంచైజీ పలు భారతీయ భాషల్లో విస్తరిస్తుండగా, బంగ్లా ఎడిషన్‌ కూడా ఈ విస్తరణలో భాగంగా తిరిగి ప్రారంభమవుతోంది.