బిగ్ బాస్ ఎంట్రీపై సీరియల్ హీరో క్లారిటీ

‘బిగ్ బాస్ తెలుగు’ కొత్త సీజన్ మరికొన్ని గంటల్లో అంగరంగ వైభవంగా ప్రారంభం కానుండటంతో హౌస్‌లోకి ఎవరెవరు అడుగుపెట్టనున్నారనే ఆసక్తి ప్రేక్షకుల్లో మరింత పెరిగింది. ప్రతి సీజన్‌కు ముందు కంటెస్టెంట్ల పేర్లపై సోషల్ మీడియాలో రకరకాల వార్తలు, ఊహాగానాలు వైరల్ అవుతుంటాయి. ఈసారి సీరియల్ నటులు ఎక్కువగా ఎంట్రీ ఇవ్వనున్నారనే ప్రచారం జరుగుతోంది. ఈ క్రమంలో టాప్ రేటింగ్ సీరియల్ ‘గుండెనిండా గుడిగంటలు’లో బాలు పాత్రతో మంచి గుర్తింపు తెచ్చుకున్న విష్ణుకాంత్ పేరు కూడా వైరల్‌గా మారింది. ఆయన సీరియల్ షూటింగ్‌కు బ్రేక్ ఇచ్చి బిగ్ బాస్ హౌస్‌లోకి వెళ్లనున్నారనే వార్తలతో అభిమానుల్లో ఆందోళన నెలకొంది.

అయితే తనపై వస్తున్న ప్రచారానికి విష్ణుకాంత్ ఇన్‌స్టాగ్రామ్‌లో షేర్ చేసిన వీడియో ద్వారా స్పందించి, తాను బిగ్ బాస్ హౌస్‌లోకి వెళ్లడం లేదని స్పష్టం చేశారు. అయినప్పటికీ హైదరాబాద్‌లోని అన్నపూర్ణ స్టూడియోస్‌లో ఉన్న బిగ్ బాస్ సెట్స్ పరిసరాల్లో ఆయన కనిపించారనే వార్తలు రావడంతో మరోసారి సందేహాలు మొదలయ్యాయి. అయితే ఆయన బిగ్ బాస్ టీమ్‌తో చర్చల కోసం వెళ్లారా అనే విషయంపై ఎలాంటి అధికారిక సమాచారం లేదు. అభిమానుల అభిప్రాయం ప్రకారం, విష్ణుకాంత్ ‘గుండెనిండా గుడిగంటలు’ సీరియల్ షూటింగ్ కోసమే అన్నపూర్ణ స్టూడియోకు వెళ్లారు. దీంతో బాలు పాత్రలో ఆయన కొనసాగనున్నట్లు తెలుస్తోంది.