ఫైనల్‌కు ముందు అర్జెంటీనాకు కొత్త టెన్షన్!

అర్జెంటీనా, స్పెయిన్ మధ్య జరగనున్న ఫీఫా ప్రపంచకప్ ఫైనల్‌కు స్లోవేనియాకు చెందిన స్లావో విన్సిచ్‌ను రిఫరీగా ఎంపిక చేసింది. ఈ నిర్ణయం అర్జెంటీనా అభిమానుల్లో చర్చకు దారితీసింది. 2022 ఖతార్ ప్రపంచకప్‌లో సౌదీ అరేబియాతో అర్జెంటీనా అనూహ్యంగా ఓడిపోయిన మ్యాచ్‌కు కూడా విన్సిచ్‌నే రిఫరీగా వ్యవహరించడం అభిమానుల్లో ఆందోళనకు కారణమైంది. ప్రపంచకప్‌లో ఆయన రిఫరీగా ఉన్న మ్యాచ్‌ల్లో అర్జెంటీనా ఓడిపోయిన ఏకైక మ్యాచ్ అదే కావడం విశేషం.

మరోవైపు స్పెయిన్ జట్టు ఆడిన పలు కీలక అంతర్జాతీయ మ్యాచ్‌లకు కూడా విన్సిచ్ రిఫరీగా వ్యవహరించాడు. ప్రస్తుత ప్రపంచకప్‌లో మెక్సికో-ఈక్వెడార్ మ్యాచ్‌లో ఇచ్చిన రెడ్ కార్డ్ నిర్ణయంపై విమర్శలు ఎదుర్కొన్న ఆయన, ఇప్పుడు ప్రపంచకప్ ఫైనల్‌ను నిర్వహించనున్నారు. ఫైనల్ మ్యాచ్‌లో వివాదాలకు అవకాశం లేకుండా ప్రతి కీలక నిర్ణయాన్ని వీఏఆర్ ద్వారా ఫీఫా నిశితంగా పరిశీలించనున్నట్లు సమాచారం.