బుమ్రా స్థానంలో అకిబ్ నబీకి టెస్ట్ జట్టులో ఛాన్స్

శ్రీలంకతో జరగనున్న టెస్ట్ సిరీస్‌కు జమ్ముకశ్మీర్ బౌలర్ అకిబ్ నబీ ఎంపికయ్యాడు. గాయం కారణంగా దూరమైన జస్‌ప్రీత్ బుమ్రా స్థానంలో నబీకి అవకాశం దక్కింది. ఈ విషయాన్ని బీసీసీఐ సోషల్ మీడియా ద్వారా వెల్లడించింది. 29 ఏళ్ల ఈ పేసర్ చాలా కాలంగా భారత జట్టులో అరంగేట్రం కోసం ఎదురుచూస్తుండగా, దేశవాళీ క్రికెట్‌లో అద్భుత ప్రదర్శనతో సెలక్టర్ల దృష్టిని ఆకర్షించాడు.

గత రంజీ ట్రోఫీలో జమ్ముకశ్మీర్ జట్టు విజయంలో అకిబ్ నబీ కీలక పాత్ర పోషించాడు. టోర్నీలో ఏకంగా 60 వికెట్లు తీసి సత్తా చాటాడు. అఫ్గానిస్థాన్‌తో జరిగిన టెస్ట్‌లోనే అరంగేట్రం చేస్తాడని భావించినా తుది జట్టులో చోటు దక్కలేదు. ప్రస్తుతం శ్రీలంక సిరీస్‌కు ఎంపిక కావడంతో అతడికి తుది జట్టులో అవకాశం ఇవ్వాలనే డిమాండ్లు వినిపిస్తున్నాయి.