ఫిఫా ఫైనల్ టికెట్లు.. ఆకాశాన్నంటిన ధరలు

జూలై 20న జరగనున్న 2026 ఫిఫా వరల్డ్ కప్ ఫైనల్లో స్పెయిన్, అర్జెంటీనా జట్లు తలపడనున్న నేపథ్యంలో టికెట్లకు విపరీతమైన డిమాండ్ ఏర్పడింది. ఈ క్రేజ్ కారణంగా ఫైనల్ మ్యాచ్ టికెట్ల ధరలు రికార్డు స్థాయికి చేరుకున్నాయి. న్యూయార్క్–న్యూజెర్సీ స్టేడియంలో జరిగే ఈ మ్యాచ్‌కు ఉత్తమ అధికారిక టికెట్ల ధరను ఫిఫా దాదాపు 33 వేల డాలర్లకు పెంచడంతో అభిమానులు ఆశ్చర్యానికి గురయ్యారు.

అధికారిక టికెట్లు దొరకడం కష్టంగా మారడంతో అభిమానులు రీసేల్ వెబ్‌సైట్లను ఆశ్రయిస్తున్నారు. అక్కడ అత్యంత సాధారణ సీట్ల ధరలు కూడా 8 వేల డాలర్ల నుంచి ప్రారంభమవుతుండగా, కొన్ని ప్రత్యేక వీఐపీ టికెట్లు 11 మిలియన్ డాలర్లకు పైగా జాబితాలో కనిపిస్తున్నాయి. అపారమైన డిమాండ్ కారణంగా ఈ ఫైనల్ ప్రపంచ క్రీడా చరిత్రలోనే అత్యంత ఖరీదైన ఈవెంట్లలో ఒకటిగా నిలిచింది.