చెన్నై సూపర్ కింగ్స్‌లోకి హార్దిక్ పాండ్యా?

హార్దిక్ పాండ్యా చెన్నై సూపర్ కింగ్స్లోకి వెళ్లబోతున్నాడా అనే చర్చ ఇప్పుడు సోషల్ మీడియాలో హాట్ టాపిక్‌గా మారింది. దీనికి కారణం పాండ్యా తన ఇన్‌స్టాగ్రామ్ స్టోరీలో షేర్ చేసిన “07:07” టైమ్ ఉన్న స్క్రీన్ షాట్. ఈ నంబర్‌ను అభిమానులు వెంటనే ఎంఎస్ ధోనితో అనుసంధానిస్తూ, పాండ్యా సీఎస్‌కేలోకి మారబోతున్నాడన్న ఊహాగానాలు మొదలుపెట్టారు.

ఇప్పటికే సీఎస్‌కే డైరెక్టర్ కాశీ విశ్వనాథన్‌తో పాండ్యా చర్చలు జరిపినట్లు సమాచారం. ముంబై ఇండియన్స్ను సమర్థంగా నడిపించలేకపోవడం, జట్టులో సహకారం లేకపోవడం, మేనేజ్‌మెంట్ నుంచి కూడా సరైన మద్దతు అందకపోవడంతో పాండ్యా కొత్త ఆరంభం కోసం చూస్తున్నాడని ప్రచారం జరుగుతోంది. రాబోయే ఐపీఎల్ సీజన్‌కు ముందు ఈ ట్రాన్స్‌ఫర్ అంశం మరింత ఆసక్తికరంగా మారింది.