T20 వరల్డ్ కప్ కి సెలెక్ట్ కాకపోవడం పై స్పందించండి హైదరాబాది ప్లేయర్ సిరాజ్..

భారత్, శ్రీలంక సంయుక్తంగా ఆతిథ్యమిస్తున్న 2026 ఐసీసీ టీ20 ప్రపంచకప్ కోసం బీసీసీఐ ప్రకటించిన 15 మంది సభ్యుల భారత జట్టులో తనకు చోటు దక్కకపోవడంపై ఫాస్ట్ బౌలర్ మహ్మద్ సిరాజ్ స్పందించాడు. జస్‌ప్రీత్ బుమ్రా, అర్ష్‌దీప్ సింగ్, హర్షిత్ రాణాలను పేసర్లుగా సెలెక్టర్లు ఎంపిక చేయగా, సిరాజ్ ఎంపిక కాకపోవడం చర్చనీయాంశమైంది. ఈ నిర్ణయంపై నిరాశ వ్యక్తం చేసినప్పటికీ, జట్టుకు తన పూర్తి మద్దతు మరియు శుభాకాంక్షలు తెలియజేశాడు.

న్యూజిలాండ్‌తో మూడో వన్డేకు ముందు ఇండోర్‌లో మీడియాతో మాట్లాడిన సిరాజ్, ప్రపంచకప్‌లో ఆడటం ప్రతి ఆటగాడి కల అని పేర్కొన్నారు. ప్రస్తుత జట్టు బలంగా, మంచి ఫామ్‌లో ఉందని చెప్పిన ఆయన, కప్‌ను భారత్‌లోనే నిలుపుకోవాలని ఆకాంక్షించారు. అలాగే ఫాస్ట్ బౌలర్లకు పనిభారం నిర్వహణ ఎంతో కీలకమని వివరించారు. దక్షిణాఫ్రికాతో జరిగిన టెస్టు సిరీస్‌లో 40 ఓవర్లు బౌలింగ్ చేసిన అనంతరం తనకు విశ్రాంతి ఇచ్చారని, లయ మరియు ఏకాగ్రతను కొనసాగించేందుకు సరైన విశ్రాంతి చాలా అవసరమని సిరాజ్ స్పష్టం చేశారు.